Авион со 300 патници итно приземјен во Москва

Авионот на „Ер Индија“ од Њу Делхи за Бирмингем беше пренасочен кон Москва како мерка на претпазливост во средата вечерта поради технички проблеми во леталото, објави денеска британски „Мирор“.

Речиси 258 патници и 17 члена на екипажот се наоѓале во авионот кога слетал на аеродромот „Шереметјево“ во Москва околу 21.35 часот по локално време.

„Аеродромските служби веднаш одговориле на барањето на екипажот и се подготвиле да го примат авионот во согласност со важечкиот план за итни случаи. Странскиот екипаж доби целосна помош од рускиот аеродром и од експерти во согласност со актуелната меѓународна конвенција“, се наведува во соопштението на аеродромот „Шереметјево“.

Тоа беше трет индиски патнички авион што непланирано слета поради технички проблеми во последните месеци.

Во јули летот од Њу Делхи до Сан Франциско беше пренасочен кон аеродромот „Краснојарск“ во Сибир поради потенцијален проблем во приемниот дел на авионот, а поради недостигот на присуство на „Ер Индија“ на овој аеродром, патниците беа оставени на аеродромот, а екипажот беше сместен во хотели.