Бил Гејтс предупредува: Следува голема војна или нова пандемија

Додека Бил Гејтс, татко на три деца, е голем оптимист за вештачката интелигенција и искоренувањето на смртоносните болести како што е детската парализа, тој сè уште е загрижен за можноста од војна или друга пандемија, пренесува магазинот „Fortune“.

„Во моментов има многу жаришта во светот кои можат да предизвикаат голема војна. Но, дури и ако тој конфликт се избегне, тогаш најверојатно во следните 25 години можеме да очекуваме нова пандемија.

Коосновачот на Мајкрософт не беше импресиониран од глобалниот одговор на пандемијата на коронавирус и рече дека клучните лекции биле игнорирани. Тој беше многу критичен за одговорот на Америка на пандемијата.

„Земјата од која светот очекуваше да ја води и да биде модел не ги исполни тие очекувања. Иако некои од лекциите од пандемијата на коронавирус беа научени, тоа беше многу помалку отколку што би очекувал“, додаде Гејтс.

Милијардерот не е сам во своите песимистички прогнози. Многу други глобални здравствени експерти, исто така, ги повикуваат западните земји да се подготват за подобро да одговорат на новите епидемии.

Професорот Пол Хантер е експерт за епидемиологија на новите болести од Универзитетот во Источна Англија во Норвич, Англија. Тој зборуваше за нов смртоносен вид на мајмунски сипаници.

„На Запад, ние навистина се интересираме за болест само кога таа директно ни се заканува. Проблемот е што толку многу од овие болести можеше да се спречат да се шират доколку земјите на теренот имаа ресурси. Ова е тема која се повторува.

Гејтс истакна дека се надева дека здравствените организации ќе почнат да размислуваат подолгорочно во наредните години.

„Што е направено добро, а што не, се уште не е сумирано. Можеби ќе се промени во следните пет години, но засега е многу изненадувачки“, изјави Гејтс.