Борисов му честиташе на Заев: Одлуките од Договорот за добрососедство не треба да се одлагаат

Бугарскиот премиер Бојко Борисов му ја честиташе победата на лидерот на СДСМ, Зоран Заев на вчерашните внетрепартиски избори на СДСМ.

„Му честитав за изборот за претседател на неговата партија и тој ми посака успех на претстојните парламентарни избори во Бугарија. Двајцата се согласивме за заклучокот дека одлуките што двете земји треба да ги имаат во духот на Договорот за добрососедство и Пријателство не треба да се одлагаат, како во името на нашата заедничка историја, така и во името на нашата заедничка европска иднина “, напиша Бојко Борисов на Фејсбук.