Денеска е Св. Григориј Ниски
Според календарот на МПЦ (Јулијанскиот календар) денеска е 10 јануари. Денеска е Св. Григориј Ниски.
Свети Григориј потекнува од едно благочестиво христијанско семејство, какви ги има ретко во историјата. Родителите на свети Григориј имале многу деца, од кои неколкумина подоцна се прославија како светители.
Во тоа семејство беа родени и свети Василиј Велики и преподобна Макрина. Свети Григориј живеел во четвртиот век. На свои 40 години станал епископ на градот Ниса.
Тој е еден од тројцата големи кападокијци, заедно со постариот брат Василиј и со свети Григориј Богослов. Бил голем и плоден писател, философ и богослов. Блажено се упокоил во 394 година.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
