Денеска е Свети пророк Даниил - ова се обичаите кои треба да ги направите за среќа и здравје

Денеска е Св. пророк Данил и трите момчиња Ананиј, Азариј и Мисаил.

Сите четворица потекнуваа од Јудиното царско племе. После опустошувањето на Ерусалим од страна на вавилонскиот цар Навуходоносор беа одведени во Вавилон, заедно со голем број Евреи. За животот на пророк Даниил може да се дознае од неговата книга што се наоѓа меѓу книгите на Стариот завет. Тој го прорече времето на доаѓањето на спасителот Христос.

Ананиј, Азариј и Мисаил, пак, имајќи силна вера во Бога, останаа неповредени иако беа фрлени во вжештена печка. Кога вавилонскиот цар го виде ова чудо, ги изведе од печката и им даде големи почести. Според едно предание, сите четворица доживејаа длабока старост и најпосле пострадаа во Вавилон заради верата во едниот Бог.

Постои верување дека на празникот Свети пророк Даниил треба на децата да им се облече нова облека, па макар и чорапи. Тоа е за спомен на трите момчиња кои со светителот биле одведени во сопство, но сеедно преживеале и имале добар живот.

Во некои краишта се верува дека вечерва треба да се гледа во небото и да се бараат ѕвездите. Ако ги има, наредната година ќе биде родна, ако е облачно нѐ чека сушна година.