Напад во Ерусалим: Најмалку осум лица се повредени
Најмалку осум лица се ранети, од кои двајца потешко, во терористички напад на автобус и паркинг во близина на Западниот ѕид во Ерусалим, јавуваат агенциите.
Напаѓачот употребил огнено оружје и им се предал на израелските власти утрово, откако безбедносните сили го барале цела ноќ, соопшти израелската полиција.
Тој бил приведен на распит и му бил одземен пиштолот.
Едно од повредените лица е трудница на возраст од околу 30 години, која добила куршум во стомакот, поради што лекарите морале итно да направат царски рез.
Се вели дека бебето е во тешка, но стабилна состојба.
Меѓу повредените има и четворица американски државјани, додава весникот „Ерусалим“.
Портпаролот на палестинскиот Хамас, Фавзи Бархум го нарече нападот храбар чин на отпор, велејќи дека тоа е „природен одговор на окупацијата на населбите и секојдневните злосторства на Израел против Палестинците“.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа