Возачи, внимавајте - блокиран патот Куманово – Крива Паланка
На патниот правец Куманово – Крива Паланка кај селото Страцин има свлечиште и е зафатена една лента од патот.
Екипите на јавното претпријатие „Македонија пат“ работат на расчистување на патот и нормализирање на сообраќајот.
Авто мото сојузот на Македонија препорачува внимателно возење и следење на поставената сообраќајна сигнализација.
Претходно, АМСМ информираше дека сообраќајот е во прекин на патот Кочани – Делчево поради одрон, а како алтернатива на возачите им се препорачува да го користат патот Виница – Смојмирово – Делчево.
Од 17 часот вчера во прекин е и патот од селото Долни Полог – Облешево пред Кочанска река поради прекопан коловоз и е направен канал за одводнување на надојдена атмосферска вода од врнежи на дожд.
Одрони има на патот Берово – Виница и таму сообраќајот се одвива наизменично по една коловозна лента, а на Виничката раскрсница меѓу селата Истибања и Калиманци сообраќајот е блокиран во двата правца и се пренасочува преку Виница.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
