Се врати студот: Еве каде натрупа најмногу снег
Најстудено утринава е во Маврово каде што се измерени -3 степени, а висината на снежната покривка изнесува 21 сантиметар. Снег има и во Крушево околу 9 сантиметри.
Според информациите од Управата за хидрометеролошки работи, во Крушево се измерени -1 степен, во Лазарополе и Пожар 0, во Берово, Тополчани и Пожаране 1, во Претор и Крива Паланка 2, во Битола и Прилеп 3, во Охрид и Тетово 4, во Скопје, Штип и Виница 5, во Струмица и Демир Капија 6, Гевгелија.
Во последните 24 часа најмногу дожд наврнало во Гевгелија - 41 литар на метар квадратен, по што следува Маврово 27, Демир Капија со 26 литри, Струмица со 25, Пожар 24, Крушево 23, Пожаране со 22, Дојран и Битола со 14, Тополчани 13, Берово со 11, Тетово и Скопје Петровец 10, Штип 8.
За денеска се најавува облачно и посвежо време со локални и слаби врнежи од дожд, на планините од снег, особено во утринските часови. Ќе дува умерен а повремено засилен ветер претежно од северен и северозападен правец. Највисоката дневна температура на воздухот ќе се движи од 5 до 13 степени.
Во наредните денови се очекува да преовладува променливо облачно време со локални, но послаби врнежи од дожд, додека од четврток се најавува покачување на дневната температура.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа