Ќе се уредува Спомен-костурницата во Неготино
Бирото за регионален развој го одобри уредувањето на Спомен-костурницата во Неготино, информираа денеска од општина Неготино.
– На иницијатива на градоначалникот на општина Неготино Ванчо Апостолов, Центарот за развој на Вардарскиот плански регион до Бирото за регионален развој аплицираше со проектот „Уредување на просторот околу Спомен-костурницата во Неготино“.
– Целта е оваа локација, која со години наназад е запуштена, да се уреди и да стане пријатно катче, каде што голем број неготинци дел од своето слободно време ќе можат да го поминуваат во одмор и релаксација. На наше задоволство, Бирото за регионален развој го одбри овој проект, соопштија од општина Неготино.
Оттаму додаваат дека спроведена е и јавна набавка, која е завршена со потпишување на договор со соодветниот изведувач на уредувањето околу Спомен костурницата.
Обврска на општина Неготино е завршување на подготвителните работи, за да може избраната фирма изведувач на работите, да започне со реализацијата на предвидените проектни активности на терен.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа