Конференција за положбата на Македонија во услови на мигратската криза
Во Македонската академија на науките и уметностите денеска ќе се одржи конференција на тема „Геостратегиската и геополитичката положба на Република Македонија во услови на мигрантската и бегалската криза“.
На конференција е најавено обраќање на претседателот на Република Македонија Ѓорге Иванов, како и учество на претставници од државните институции, дипломатскиот кор, академската заедница и од научната и стручната јавност.
Конференцијата е во организација на Центарот за стратегиски истражувања на Македонската академија на науките и уметностите и Институтот за геостратешки истражувања и надворешна политика при Министерството за надворешни работи. Овие две институции во рамки на конференцијата ќе потпишат и меморандум за соработка.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа