Костов: Да ги оставиме партиите и лидерите да си ја завршат работата според Уставот
Треба да ги оставиме партиите и лидерите да си ја завршат работата според Уставот, апелира аналитичарот Сотир Костов.
„Верувам во капацитетот на преговарање меѓу Груевски и Ахмети, но не можам да сфатам зошто некои субјекти вршат притисок. Некои се нарекуваат интелектуалци и кажуваат кој со кого смее да коалицира, а пред само неколку години истите тие се залагаа за други принципи. Упатуваа апели до ВМРО-ДПМНЕ да не го прескокне ДУИ и да не коалицира со ДПА бидејќи ДУИ мнозински го претставува албанскиот народ“, изјави Костов.
Според него, ДУИ не е единствената партија во игра со ВМРО-ДПМНЕ.
„ДПА упорно молчи, сметам дека и Алијансата би можела да коалицира со ВМРО-ДПМНЕ. Реално во Алијанса на Албанците има две крила – луѓе што си заминаа од ДПА и ДУИ. БЕСА не сака да учествува во Влада со ВМРО-ДПМНЕ, но е контрадикторна сама по себе. Се залагаше за преродба со БЕСА, а во контекст и беше редефинирање на Македонија. Не може да има преродба со редефинирање“, заклучи Костов.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа