Драма во Струмица: Го оставила бебето во такси за да ограбува
Во 21 часот и 40 минути синоќа било пријавено дека во Струмица на улицата „24-ти Октомври“, додека 80-годишната Р.М. се движела по тротоар, од зад грб била физички нападната од непознато женско лице, кое и ја одзело чантата и избегало.
Полицијата информира дека ограбената жена почнала да вика за помош и неколку малолетни лица успеале да ја сопрат жената која ја ограбила да влезе во такси возило кое било паркирано во близина, по што и ја зеле чантата и и ја вратиле на ограбената.
Инаку, насилничката имала оставено бебе во такси возилото, го зела со себе и го напуштила местото на настанот. Оштетената забележала дека од чантата и недостасува паричникот, а од нападот се здобила со повреди, по што била пренесена во Јавната здравствена установа-Струмица каде и била констатирана тешка телесна повреда.
Се преземаат мерки за целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
