Тешка несреќа во Кочани: Прегазил тројца малолетници со автомобилот
Во 17 часот и 05 минути во Кочани на улицата „Теодосија Паунов“ се случила сообраќајна незгода во која 24-годишниот М.С. од селото Оризари, управувајќи патничко возило „Форд Фокус“ со кочански регистерски таблици удрил во тројца пешаци, од кои двајца на возраст од 16 и еден на возраст од 17 години.
Во незгодата пешакот на возраст од 17 години се здобил со тешка телесна повреда. Девојчето по укажаната лекарска помош во Јавната здравствена установа-Кочани било префрлено во Ургентниот Центар во Скопје.
Другите двајца пешаци се здобиле со телесни повреди и по укажаната лекарска помош биле пуштени на домашно лекување.
Увид на местото на настанот извршила увидна екипа од Полицијата Кочани.
Се работи на целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
