Ѕвезда во најтешката група: Светските гиганти доаѓаат во Белград

Српскиот фудбалски првак Црвена Звезда преку Салцбург по 26 години ќе игра во Лигата на шампионите, а веќе ги доби и ривалите во групната фаза која стартува во септмеври.

Белграѓани паднаа во групата Ц, а за ривали добија силни противници. Од првиот шешир дојде екипата на ПСЖ, од вториот за противник е Наполи, додека од третиот шешир, за ривал се падна Ливерпул.

Црвена Звезда, која со Панчев и Најдоски беше европски првак во 1991 година, игра првпат во елитното натпреварување по 1992 година. Распоредот на натпревари дополнително ќе биде објавен.