Во Тетово одбележан 2 aвгуст - Денот на Републиката
Во Тетово пред Споменикот на револуцијата на пригоден начин денеска се одбележа 2 Август, Денот на републиката – Илинден и 120 годишнината од Илинденското востание.
Во организација на Сојузот на борци од Тетово, делегации на општината, политички партии и здруженија на граѓани од Тетово положија цвеќе пред споменикот.
- Денес, кога овој празник свечено се прославува низ целата територија на Македонија, мораме уште еднаш да потсетиме дека патот на младата македонска држава е втемелен врз принципите на АСНОМ и дека Македонија мора да остане на патот започнат со светите идеи на Илинден. Се разбира дека овој пат е тежок, но се надеваме дека ќе го најдеме вистинскиот пат, пат кој води кон помирно, кон подемократско и кон поперспективно општество, а тоа е патот кон перспективна Европа, пат кон интегрирана Европска Унија, истакна Јоцко Димитриевски од Сојузот на борците од Тетово.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
