Руски истражители ги испитувале роднините на осомничените напаѓачи во Москва

Руски истражители биле во Таџикистан за да ги испитаат семејствата на четворицата мажи кои стојат зад терористичкиот напад на трговскиот центар во Москва, јавија светските агенции.

Тројца таџикистански безбедносни извори изјавиле дека руските истражители ги испитувале семејствата на осомничените за нападот во Крокус Сити Хол во Москва, во кој загинаа 139 лица, а околу 180 се повредени. 

Изворите, кои не биле овластени да даваат информации за овој случај, велат дека таџикистанските безбедносни службеници ги донеле семејствата на осомничените од различни делови на земјата во главниот град Душанбе.

Против четворицата напаѓачи во Русија е поднесено обвинение, а ако бидат обвинети им се заканува доживотен затвор поради терористичкиот напад.