Од денес бесплатната правна помош станува достапна за жителите на општина Боговиње

Министерот за правда, Кренар Лога, и градоначалникот на општина Боговиње, Бесник Емшиу, денес потпишаа меморандум за соработка, кој во иднина ќе придонесе кон зголемување на достапноста на бесплатната правна помош до жителите на општина Боговиње.

Канцеларијата е сместена во зградат во која се наоѓаше седиштето на Општина Камењане. По свеченото отварање, се одржа и промотивен настан од страна на представници на Советот на Европа.

Од Правда велат дека заложбите на Министерството и канцеларијата на Советот на Европа, кои се во духот на еднаквиот пристап за ефективна правда, ќе продолжат и во наредниот период со отварање нови канцеларии во повеќе општини во државата.

Ова, како што се додава, е со цел запознавање на граѓаните со механизмите што ги нуди државата преку Законот за бесплатната правна помош во корист на заштита на нивните права во постапките пред судовите и другите институции.