Од денеска рекордни цени на бензините, дизелот и плинот на бензинските во Македонија

Со вчерашното зголемување на цените на горивата, во моментов имаме најскапи горива во последните 2 години. Според графиконот за движењето на цените во малопродажба кој може да се најде на веб сајтот на компанијата Макпетрол, моменталната цена и на бензинот и на дизелот и на плинот руши рекорди.
Моментално, 95 октанскиот бензин се продава за 73,5 денари за литар, 65 денари по литар е дизелот а плинот 41,5 денари.
На пример, овој период пред 2 години исто така цената на горивата била висока но тогаш максималната цена која ја достигнал бензинот била 68,5 денари што е 5 денари поевтино од сега, додека дизелот бил 2 до три денари поевтин од денеска. Најголемо поскапување има кај плинот. Пред две години во овој период тој чинел 10 денари помалку од денеска односно 32 денари за еден литар плин.