Првата земја во Европа којашто се враќа во карантин – започнува од полноќ, а ќе трае 6 седмици

Ирска е првата европска земја која што објави дека се враќа во целосен карантин за да го запре ширење на коронавирусот, а целата нација повторно ќе биде затворена на шест седмици.

Премиерот на Ирска, Мајкл Мартин, во понеделникот соопшти дека блокадата ќе стапи на сила денеска на полноќ.

„Нивото на ограничување во врска со коронавирусот се подигна на досега највисоко ниво“, потврди Мартин.

Мерките кои што ќе почнат да важат од полноќ се најстрогите во Европа, а подразбираат затворање на малопродажбата, освен за основните потреби, ограничување на излегувањето на граѓаните до пет километри од нивниот дом, а рестораните и баровите ќе можат да работат само со достава.

Владата соопштила дека ќе има казни за секое кршење на рестрикциите, пренесува „Euronews“.

Училиштата ќе останат отворени затоа што „не можат да дозволат иднината на децата и младите да бидат жртва на оваа болест“, а исто така ќе продолжи и работата во градежништвото.

„Секој од нашата земја е замолен да остане дома“, изјавил министерот на Ирска.

Хотелите може да останат отворени, но само за оние на кои што тоа им е најпотребно.

„Во настојување да го сузбиеме вирусот, воведовме еден од најстрогите европски режими“, изјавил Мартин во телевизиското обраќање, две седмици откако го отфрлил апелот на здравствените работници да се премине на петтото ниво.

„Владата одлучи дека доказите за потенцијалната тешка ситуација која што допрва треба да дојде, сега се посилни“, изјавил Мартин.

По најавата на Мартин, редици граѓани чекале пред козметичките салони, фризерниците затоа што луѓето предвиделе дека таквите услови веројатно нема да се вратат до декември месец.

Мартин исто така изјавил дека се надева дека Владата ќе успее да го сузбие вирусот и дека ќе овозможи отворање на малопродажните објекти до првата седмица од декември за да го „спасат“ Божиќ.

Во неделата Ирска по петти пат за девет дена го сруши рекордот во број на случаи забележани во еден ден и ја има 12-та највисока стапка меѓу 31 европска земја која што ја следи Европскиот центар за контрола на болести.

И другите земји во Европа, како Белгија, Франција и Холандија ги затворија баровите и рестораните и воведоа полициски час во ноќните часови, но ниту една од нив нема ограничувања на патувањата во внатрешноста на земјата.

 

 

 

Добивајте вести на Viber

22.10.2020 - 09:46

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега