Шест скопски општини утре без струја

Поради технички зафати во мрежата, утре без електрична енергија ќе останат потрошувачите од општините Сопиште, Гази Баба, Бутел, Карпош, Чучер Сандево и Центар.

Како што информираат од РЦУК Скопје, без струја од 08:.00 до 15:00 часот ќе бидат корисниците од село Долно Соње, поточно од мостот на сред село кон село Говрлево во општина Сопиште.

Од 08:30 до 15:00 часот без струја ќе бидат објектите на Давос и АРС на влез во Ченто во општина Гази Баба, од 09:00 до 12:30 часот сите потрошувачи на ул.„Бутелска“ бр. 7А, од бр. 1 – 19 и ул. „Бутелска“ броеви 47, 49 и 51 во општина Бутел, а од 09:00 до 14:00 часот дел од корисниците од улиците „Миле Поп Јорданов“, „Јуриј Гагарин“ и „Стогово“ во општина Карпош.

Од 09:00 до 14:30 часот без струја ќе бидат дел од корисниците од село Бразда, каменолом Гранит – Бразда, асфалтна база Бразда, пречистителна станица Бразда, фарма Глуво, стопанските објекти Златомир и Данчо Ацков како и селата Горно Оризари и Голиево во општина Чучер Сандево, а од 09:30 до 10:30 часот дел од корисниците на ул. „Партение Зографски“ од крстосницата кај дисконт Лаки до крстосницата со ул. „Тодар Александров“ во општина Центар.