Три милиони денари за Хрватска: „Скопје е град на солидарноста и знае што значи помош по вакви катастрофи“

Советот на Град Скопје на денешната итна  вонредна седница, донесе Одлука за давање помош на настраданите од катастрофалните земјотреси во Петриње и во Загреб, во кои има човечки жртви и  се повредени повеќе лица.

-Со оваа одлука, како израз на солидарност за настраданите, Градот Скопје дава помош во износ од 3 милиони денари, односно 2 милиона денари на градот Петриње и еден милион  денари за градот Загреб, износ кој го доделуваме на сите градови за вакви и слични неприлики- стои во соопштението од Град Скопје.

Градоначалникот на седницата изјави дека Скопје е град на солидарноста и знае што значи помош по вакви  катастрофи и затоа во кординација  со сите советнички групи во Град Скопје е свикана  вонредна седница на Советот за да им се додели  помош на пријателите од  Загреб и од Петриња.