ВИДЕО: Невреме предизвика колапс на сообраќајот во Германија
Невремето „Игнац“ предизвика делумен колапс на железничкиот сообраќај во Германија, а гранките на тротоарите предизвикуваат голем сообраќаен метеж.
Железничкиот сообраќај во најнаселената федерална држава, Северна Рајна-Вестфалија, е целосно прекинат, предизвикувајќи метеж во меѓуградскиот сообраќај низ целата земја. Во прекин е и железничкиот сообраќај меѓу Келн и Амстердам и Брисел.
Во големи делови на источна Германија, брзината на возовите е ограничена на 80 км / ч, додека многу железнички линии се затворени.
Во провинцијата Рајнска област-Пфалц, автопатот 61 е блокиран поради камиони што се превртеле поради ветрот и го блокирале патот.
Во Берлин, противпожарната служба прогласила вонредна состојба и во меѓувреме излегува на терен само во случаи кога човечките животи се директно загрозени, додека отстранувањето на гранките од патиштата и ослободувањето автомобили врз кои паднале дрвјата е оставено за подоцна.
Метеоролошката служба најавила ураган со налети до 100 км/ч за Берлин и околината на Бранденбург.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
