Амбасадорот на САД во Унгарија одржа говор кој ќе го разбесни Орбан: „Ја поткопувате довербата“

Американскиот амбасадор во Унгарија, Дејвид Пресман, одржа уште еден говор кој речиси сигурно ќе ја налути владата на Виктор Орбан, во кој се осврна на постапките на унгарскиот премиер и надворешната политика на земјата.

Во говорот во Будимпешта, Пресман директно се осврна на надворешната политика на Унгарија, која ја сметаше за контроверзна, и ја обвини унгарската влада за широко распространета корупција и поткопување на независните институции.

Тој рече и дека таквите работи се целосно неразбирливи од американска перспектива.

„Ниту можеме да разбереме, ниту да прифатиме дека премиерот ги идентификува САД како главен противник. Додека владата на Орбан можеби сака да чека промени во САД, САД сигурно нема да ја чекаат администрацијата на Орбан. Додека Унгарија чека, ќе дејствуваме“, заклучи aмериканскиот амбасадор.

„Во споредба со овој нацрт, рускиот закон за странски агенти е благ и нежен“, рече амбасадорот.

Амбасадорот го коментираше и пријателството на Орбан со Путин и односите со земјите од НАТО.

„Сè повеќе гледаме сојузник кој се потпира на своите сојузници во НАТО, но се чувствува удобно да ги игнорира интересите на истите тие сојузници и нашата алијанса, дури и за време на војна во Европа“, рече тогаш Пресман.