Амбер Херд реагира на првото тикток-видео на Деп

Џони Деп отвори профил на „Тик-ток“, на кој го објави своето прво видео заблагодарувајќи им се на фановите за поддршката што му ја покажаа во изминатите два месеца.

„До сите мои драгоцени, лојални и непоколебливи поддржувачи – бевме насекаде заедно, видовме сè заедно. Одевме на ист пат заедно. Заедно ја направивме вистинската работа. И сега сите заедно ќе одиме напред“, напиша тој под видеото.

Набргу потоа, Амбер Херд се огласи преку портпарол и одговори на видеото на Деп.

„Додека Џони Деп вели ‘одиме напред’, правата на жените одат назад“, изјави таа, како што пренесуваат странските медиуми.

„Пресудата им порача на жртвите на семејно насилство дека треба да се плашат да застанат за себе и да проговорат“, додаде Херд.