Амбер склучи договор со Џони Деп: „Мојот живот е уништен“

Адвокатските тимови на Џони Деп и Амбер Херд постигнаа договор според кој осигурителната компанија на Херд ќе му плати на Деп 1 милион долари за да го реши случајот, пишува Mail Online. Сепак, се наведува и дека актерката не ја прифатила вината.

Да потсетиме, судењето се одржа откако Амер изјави дека била жртва на семејно насилство за време на бракот со Деп. На актерката (36) и беше наложено да плати 10 милиони долари за компензација и 5 милиони долари за казнена отштета по шест недели судски спор. Додека Деп (59) добил налог да и плати на поранешната сопруга 2 милиони долари.

Адвокатските тимови на парот постигнаа спогодба за да избегнат нова тужба.

-Амбер сега со нетрпение очекува да продолжи со својот живот како што планирала пред шест години. Таа сака да ја остави оваа несреќна епизода зад себе и да се фокусира на она што го сака во животот, кариерата, семејството, изјавил за Mail Online извор близок на актерката.

Амбер мораше да го продаде својот дом во Лос Анџелес за да го финансира правниот процес и не сакаше да изгуби уште повеќе, пишува весникот.

-Оваа одлука ја носам затоа што ја изгубив вербата во американскиот правен систем, каде што моето незаштитено сведочење служеше како забава и сточна храна за социјалните мрежи. По долго размислување, донесов многу тешка одлука да го решам случајот за клевета што го покрена против мене мојот поранешен сопруг во Вирџинија. Ја бранев својата вистина и тоа ми го уништи животот каков што го знаев. Омаловажувањето со кое се соочив на социјалните мрежи е засилена верзија за тоа како жените се повторно виктимизирани кога ќе се појават. Сега конечно имам можност да се еманципирам од нешто што се обидов да го напуштам пред повеќе од шест години и под услови со кои можам да се согласам. Не се изјаснив за виновен, ова не е чин на отстапка, дел од изјавата на Амбер Херд.

Џони Деп се уште нема дадено официјална изјава, но неговата изјава се очекува.