Автобус слета во река во Петербург: Најмалку три лица загинаа

Автобус денеска падна од мост во Санкт Петербург, Русија. Во несреќата најмалку три лица загинаа, а шест се повредени, соопштија властите.

Министерството за вонредни ситуации соопшти дека спасувачите извлекле од водата девет лица, од кои тројца загинале, пишува Гардијан.

Во соопштението се наведува дека уште четворица се во критична состојба, а двајца се во тешка состојба.

Руските новински извештаи првично рекоа дека можеби имало околу 20 луѓе во автобусот кога тој ја пробил бариерата и паднал во реката Мојка во центарот на градот.

Надзорните снимки објавени од руските медиуми покажуваат дека автобусот се движи брзо, скршнува на мост и се судри со друго возило пред да ја пробие бариерата и да падне во водата.

Bus in Russia https://t.co/Da1LOYAqMe pic.twitter.com/v984TC4S8h

— Igor Sushko (@igorsushko) May 10, 2024