ЦУК: Сите поплавени улици и куќи во Гостивар се исчистени
Ситуацијата во Гостивар е смирена, штетите од големото невреме што го зафати градот се санирани, информираа од Центарот за управување со кризи за „Прес24“. Надлежните екипи се повлекле од теренот вечерва во 20 часот.
„РЦУК - Тетово известува од ЈКП Комуналец - Гостивар дека сите улици и куќи што беа поплавени во попладневните часови се исчистени односно сите последиците од дождот се санирани. Екипите од ЈКП Комуналец и ТППЕ Гостивар во 08:00 часот се повлечени“, изјавија од ЦУК.
Инаку, претходно денеска силното невреме предизвика поплави низ улиците и куќите во Гостивар, а огромни поплави и нови „вештачки“ езера се создадоа и во Велес.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
