Д-р Докиќ: Тие што прележале Ковид 19 и немаат антитела нека не се плашат - заштитени се

Пулмологот Дејан Докиќ вечерева во емисија на Канал 5 телевизија изјави дека луѓето кои по прележувањето на Ковид-19 воопшто немаат антитела, сепак имаат заштита од вирусот во иднина.

„Антителата природно опаѓаат со тек на време, но тоа не значи дека пациентите се имуни. Еве можеби да дојдат до нула, но ако се направат имунолошки испитувања, тогаш ќе видите дека имате имунитет. Тие помнат и го неутрализираат вирусот. Да не се плашат, оние кои прележале ковид-19 и да немаат антитела, се заштитени. Допрва ќе треба да се истражува колку трае имунитетот од прележан ковид. Јас сум против давање антибиотици. Апсолутно нема никаква индикација да се даде антибиотик за вирусна инфекција. Напротив, може да штети, во фаворизирање на резистентни соеви. Нерационалното давање антибиотици доведе до поголема резистентност на одредни бактерии. Ние викаме дека не треба да се препишуваат”, вели д-р. Докиќ.