Денеска, ден пред Свети Никола празнуваме голем светец - што треба да знаете ако имате женско дете

Според календарот на МПЦ (Јулијанскиот календар) денеска е 5 декември.

Денеска е Св. Сава Осветен и св. Нектариј Битолски.

Свети Сава се роди во петтиот век, во областа Кападокија. Веќе на 18-годишна возраст се насели во еден манастир и наскоро беше потстрижен за монах. После повеќе години поминати во манастирот на блажениот Теоктист, сакајќи ништо да не го одвојува од молитвата и богомислието, тој се насели во една пештера во Палестина. Последните години ги помина како духовник во манастирот во Палестина што денес го носи неговото име. Се упокои во 533 година. Денес се слави и свети Нектариј Битолски. Потекнуваше од благочестиво битолско семејство. Кога го израснаа, мајка му и татко му стапија во манастир. Свети Нектариј се замонаши на Света Гора и ги освети својата душа и телото, непрестано стекнувајќи секакви добродетели. Се упокои во 1500 година. Неговите мошти беа откриени нераспаднати и положени во ковчег, во црквата на Јагарската келија, на Света Гора.

На овој ден сепак најмногу му се радуваат децата, бидејќи според верувањата Свети Никола на бел коњ вечерта доаѓа и на сите деца им носи подароци, секому според заслугите. Подарокот се става во детските чели, кои поради тоа навечер се оставаат на прозор.

Се верува дека секое женско дете родено на овој ден ќе има среќен брак.