Дете е едно од патниците во возилото кое излета во Вардар: Итно е пренесено на скопските клиники

Тешка сообраќајка се случи попладнево покрај реката Вардар, поточно на патот Рашче-Сарај.

Полициски извори информираат за Алсат дека се автомобил излетал од патот и завршил во Вардар. Неофицијално во автомобил биле 5 лица од семејството Арслани од село Герчец, 4 возрасни и едно 5 годишно дете.

Неофицијално станува збор за постар брачен пар, нивната невеста и еден од синовите на брачниот пар.

Алсат дознава дека петиот сопатник е 5-годишно дете кое излетало од автомобилот при превртување на автомобилот во реката Вардар. Детето го пронашле случајни минувачи и со нивна интервенција било донесено во болницата 8 септември во Скопје.

Се уште нема јасна слика за здравствената состојба на детето, додека од останатите 4 лица се уште се трага.