Директорот на РТВ Украина за Рацин.мк: Ги разоткриваме воените злосторства на Русија – ја спречуваме пропагандата на Кремљ

Суспилне Украини е најголемата независна медиумска компанија во Украина, кон која луѓето секогаш се обраќаат во кризни ситуации, бидејќи им веруваат на вестите на јавниот радиодифузер. Ги има националните ТВ канали Pershyi, Suspilne Kultura, 24 регионални канали, 3 радио станици со најголема регионална мрежа; 139 страници на дигитални платформи.

Првиот човек на Јавниот радиодифузен сервис на Украина, Миколај Чернотицки во интевју за Рацин.мк вели дека со почетокот на војната „Суспилне Украини“ требало да исполни три задачи, меѓу кои непречено функционирање компанијата, да создаде безбедната работа на новинарите а и навремено да им даде информации на Украинците преку сите можни канали за комуникација.

„ТВ-кулите во Киев и Харков беа погодени со проектили во првите денови од војната. Привремено окупираните дописништва на „Суспилне Украини“ во Керсон, а оние во Северодонецк, Харков и Миколајев беа тешко оштетени.

Голем број наши вработени им се придружија на официјалните униформирани воени сили за да ја одбранат Украина. Тројца вработени во „Суспилне Украини“ паднаа во заробеништво. Европската радиодифузна унија се вклучи да ослободи еден од нив.

И покрај тоа, од првиот ден на војната, Јавната радиотелевизиска компанија работеше без прекин, со целосна одговорност соочена со новата ситуација“, изјави првиот човек на украинскиот јавендифузер за Рацин.мк.

Беа развиени неколку кризни сценарија, благодарение на кои беше можно да се прегрупира компанијата. Седиштето и централната радиодифузија беа преместени од Киив во Лавов, раскажува тој.

„Компанијата сега е во процес на трансформација. Создаваме неколку нови продукциски центри и критични инфраструктурни објекти низ целата земја. Нашата определба е да обезбедуваме непречено функционирање на „Суспилне Украини“ под какви било закани.

Го зајакнавме безбедносниот протокол за работа во услови на војна. За време на воздушни аларми, сите вработени мора да одат во засолниште, но затоа се прилагодиме беше да емитуваме програма од засолништата. Железно правило е сите вработени во „Суспилне Украини“ да одат во засолништето за време на предупредување за воздушен напад. Така добивме нова вештина. Дури и за време на ракетен напад, студиото работи. Важно беше да се обезбеди непречено емитување, вклучително и за време на воздушни напади, но најважно беше да ги заштитиме животите на луѓето.

Работат сите подрачни подружници. Имаше градови во близина на фронтот каде што останаа да работат само дописниците од „Суспилне Украини“. Исто така и другите канали ни се обратија за да ја емитуваат и нивната програма и информации, а ние како јавен радиодифузер, го обезбедивме тоа за да ја шириме вистината за војната што е можно повеќе“, изјави Чернотицки.

Добиле голема поддршка и од меѓународните партнери, вклучително и од Европската радиодифузна унија. Новинари добиле панцири, а обезбедиле и осигурување за дописниците кои работат во воените зони и жаришта.

„Од 24 февруари, од почетокот на војната, благодарение на работата на сите платформи, Јавниот радиодифузер на Украинците им обезбедува вести од примарни извори 24 часа секој ден во неделата.

Државното Украинско радио се вклучи на средни фреквенции што тешко се блокираат и благодарение на ова, Украина беше во контакт со сите граѓани, каде и да беа, односно на окупираните територии, на пат, без комуникација и или интернет. Радиото пренесуваше информации и спаси животи. Со помош на радиото, властите известуваа за коридорите за евакуација, вклучувајќи ги и оние во Мариупол.

„Суспилне Украини“ алармираше за воздушни напади користејќи радио и дигитални мрежи. Публиката на социјалните мрежи на „Суспилне Украини“ се зголеми за 2,5 пати и достигна 6 милиони претплатници. Ги отворивме со слободен пристап  сите верзии на ТВ и радио платформите на „Суспилне Украини“ за да стигнат вестите за руската агресија насекаде во светот“, раскажа првиот човек ја украинскиот радиодифузер за Рацин.мк.

Целото интервју прочитајте го ТУКА.