Драма на лет: Патник се обидел да ја отвори вратата

На летот од Мадрид до Каракас, Венецуела, се одвивала вистинска драма откако еден од патниците се обидел да ја отвори вратата. Стјуардот кој интервенираше сега е на боледување бидејќи ја скршил ногата.

Плус Ултра Аереас Летот 701 патувал од Мадрид до Каракас, Венецуела во саботата кога еден патник почнал да ги вознемирува другите патници.

Портпаролот на авиокомпанијата изјави за Business Insider дека мажот удирал и викал по лицето кое спиело до него.

„Екипажот брзо реагираше, ја смири ситуацијата меѓу двајцата“, велат тие и додаваат дека патникот бил префрлен на друго седиште.

Неколку моменти подоцна, тој се обидел да отвори еден од излезите за итни случаи на авионот, соопшти авиокомпанијата.

На видеото кое се појави на социјалните мрежи, се гледа како член на екипажот се обидува да дојде до човекот и да го спречи во намерата, додека загрижените патници гледаат. Во авионот имало вистинска драма, а се слушало и врескање.

За време на инцидентот еден стјуард се здобил со делумна скршеница на фибулата, потколеницата, изјави портпаролот на Плус Ултра. Му била укажана помош, но поради повредата ќе биде без работа неколку недели.

Непослушниот патник бил придушен во задниот дел на авионот, придружуван од двајца членови на екипажот, додека не пристигнале во Каракас, каде што бил предаден на локалните власти, соопшти авиокомпанијата.

Не е познато во кој момент од осумиполчасовниот лет се случила драмата. Податоците на FlightRadar24 покажуваат дека авионот слетал во Каракас околу половина час порано.

„Во ниту еден момент не беше загрозена безбедноста на луѓето во авионот“, додаде портпаролот.

Иако е страшно кога ќе видите некој кој се обидува да ја отвори вратата, практично е невозможно да го отворите излезот на лет.

За да се спречат проблеми како хипоксија или висинска болест, авионите се под притисок на височини од 8.000 стапки или пониски. Тоа значи дека притисокот внатре во кабината е многу поголем отколку надвор, создавајќи огромни сили кои ги држат вратите затворени.