Филипче кажа дека нема нови мерки - Остануваме со сегашните

„Нашиот заклучок е дека остануваме со сегашните мерки. Сѐ уште нема доволно познати информации иако СЗО укажува на тоа дека можеби е полесно пренослив. Сепак, директорот на американскиот институт за здравство д-р Колинс смета дека и за тоа нема доволно информации. Сметам дека некаква рестрикција во однос на затворање на границите, во однос на карантинизирање на патници кои доаѓаат од одредени земји нема да даде ефект поради тоа што е очигледно дека кога ќе се појави нов сој не може да се ограничи само на една територија“, изјави министерот за здравство др Венко Филипче на денешната конференција со новинарите, по утринскиот состанок на Комисијата за заразни болести, на кој се дебатираше околу новиот сој на вирусот.