(ФОТО) Аеродром: Се судрија мотор и автомобил - има повредени
Сообраќајна несреќа се случи пред околу еден час во скопски Аеродром.
Според информациите на МВР автомобил „Фиат“ и мотор се судриле на крстосницата помеѓу булеварите Србија и Трета македонска бригада.
Од полицијата информираат дека има тројца повредени лица, еден од нив е возачот на автомобилот, а двајца се од моторот.
Двајца од повредените се пренесени во старата градска болница „Наум Охридски“, а еден од повредените е пренесен во Комплексот клиники „Мајка Тереза“.
Сообраќајната несреќа е пријавена во 13:30 часот, а увидот е во тек, информираат за КУРИР од Министерството за внатрешни работи.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
