ФОТО: Космонаутко е ново засилување за РК Металург

Познатиот медицински техничар Денис Јанкуловски – Космонаутко кој секое утро ги забавува своите следбеници на социјалните мрежи е ново засилување на Ракометниот клуб Металург, или барем само така сака да се пошегува на социјалните мрежи.

Тој од клубот доби поклон дрес со неговиот надимак и се пошегува дека со него тимот ќе се бори за второто и за третото место на табелата.

-Денешен наслов во "La gazzeta dello sport" Ексклузивно! Во очи на најлудата ноќ РК Металург го доби најголемото засилување па сега останува само борба за второ и трето место.Новогодишно пакетче од моите драги пријатели, за мене ова е голема чест, ви благодарам, чувајте се и што побрзо да го тргнам скафандерот и да викам од трибините, напиша тој на Фејсбук.