Галетановски е назначен за нов претседател на Градската организација на СДСМ Скопје

Поранешниот директор на Зоолошката градина - Скопје, Ѓорѓи Галетановски е нов претседател на Градската организација на СДСМ Скопје.

Претседателот на СДСМ, Венко Филипче, објави дека Ѓорѓи Галетановски - Чомбе од денеска е назначен за нов претседател на Градската организација на СДСМ Скопје.

„Ѓорѓи е млад и амбициозен човек, со свежи идеи и желба за работа, со успешен професионален ангажман зад себе. Веруваме дека ќе донесе нова енергија во работата и функционирањето на Градската организација на СДСМ“, објави Филипче.