Граѓани барале паркинг во Центар да чини 500 денари од час
Граѓаните кои живеат во реонот на Центар позади Дом на градежници барале паркинг просторот во тој дел од општината да биде 500 денари од час, информира директорот на ПОЦ, Васко Кичевски.
Според него, оваа идеја дошла по разговорите со станарите и жителите кои живеат во овој дел од Центар.
-Сепак таа цена беше преголема. И сегашнава цена од 250 денари е неразумна по мое мислење, но треба да се има предвид дека на простор каде можат да се паркираат има 750 возила на жители и не плаќаат ништо, а самиот простор дозволува 400 возила за паркирање, вели Кичевски во изјава за ТВ 21.
Директорот на ПОЦ додава дека сегашните средства од плаќањата на овој паркинг не се доволни да се подмират трошоците за вработените.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
