Густ чад над Охридското Езеро: Гори глисер
Пожар избувнал на глисер закотвен во каналот Студенчишта, во близина на Охридското Езеро, предизвикувајќи вознемиреност меѓу туристите и локалното население. Над местото се издигна густ црн чад што беше видлив од поголемо растојание, а околу запалениот глисер имало и други паркирани пловни објекти, објави Скопје1.
На терен интервенираа екипи на Територијалната противпожарна единица од Охрид, како и припадници на полицијата. Засега нема информации за повредени лица, ниту е позната причината за избувнување на огнот.
Очевидци сведочат дека глисерот бил закотвен кога започнал пожарот. Надлежните служби работат на расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
