Хорор во Македонија: Убиле старец и го закопале

Полициски службеници од ОВР Крива Паланка вчера околу 18 часот лишиле од слобода три лица кои се барале за убиство.

МВР информира дека се работи за З.Ф. (24), С.Ф. (19) и С.Ф.(44) од село Луке, кривопаланечко, кои се сомничат дека го убиле 84-годишниот Љ.С. од истото село, кој на 29 март годинава бил пријавен за исчезнат.

Телото на Љ.С. било пронајдено закопано во непосредна близина на неговата куќа во селото, а увид извршила екипа од СВР Куманово.

По насока на јавен обвинител, телото е предадено за обдукција, а по целосно расчистување и документирање на случајот ќе биде поднесена соодветна пријава.