Илон Маск донираше пари на група која собира донации за кампањата на Доналд Трамп

Милионерот Илон Маск донираше на политичка група која работи на изборот на поранешниот американски претседател, Доналд Трамп, објави денеска Блумберг, повикувајќи се на извори.

Во извештајот не е прецизирано колку Маск донирал, но се истакнува дека тоа е „голема сума“ дадена на групата наречена America PAC.

Блумберг објави дека PAC – група која може да прима неограничени придонеси за политички активности – мора да ја објави својата листа на донатори на 15 јули.

Во март, Трамп, кој се очекува формално да биде номиниран следната недела за кандидат на Републиканската партија за изборите на 5 ноември, се сретна со Маск и други богати донатори.

Како одговор на извештаите за состанокот, Маск роден во Јужна Африка, еден од најбогатите луѓе во светот, објави на „Икс“: „Само да бидам супер јасен, не донирам пари на ниту еден кандидат за претседател на САД“.

Во мај, тој, исто така, ги негираше медиумските извештаи дека разговарал за можна советодавна улога во кој било претседателски мандат на Трамп.

Маск, најбогатиот човек во светот кој го води производителот на електрични автомобили Тесла и производителот на ракети „Спејс икс“, компанијата за социјални медиуми „Икс“ и други компании, не одговори на барањето на Ројтерс за коментар.