Изгаснат е пожарот во Ново Лисиче, се запалила автомеханичарска работилница

Изгаснат е пожарот во Ново Лисиче. 

Командантот на противпожарната бригада, Ѕвонко Томевски, за „Макфкакс“ вели дека се запалила автомеханичарска работилница. 

Пожарот е пријавен околу 12 часот и 40 минути. Веднаш е интервенирано со две возила и 7 пожарникари. 

Опожарена е работилницата, а од огнот запалено е и едно патничко возило. 

За среќа нема ниту жртви, ниту повредени. 

Причините за пожарот допрва ќе се утврдуваат.