Камбовски: Обвинителството мора да биде претпазливо, а судот ќе мора да отвори четири очи во случајот со клиниката „Жан Митрев“

Откако вчера одбраната на д-р Жан Митрев реагираше дека судот прави суштествени повреди во посапката со судскиот случај со истоимената клиника, академик Владо Камбовски за mkd.mk вели дека судот, но и обвинителството мора да бидат исклучително претпазливи.

„Овој случај е специфичен бидејќи тука се поставува прашањето како обвинителството ќе докаже, а судот ќе пресуди дека станува збор за измама затоа што сите кои не се излечиле имаат чувство дека се оштетени и тоа е нормално. Од друга страна има пацинети на кои им било помогнато и тие би сведочеле во корист на обвинетиот. Но тоа мислење е субјективно. Затоа овој случај бара огромна претпазливост и доследна примена на законите. Обвинителството ќе мора да пристапи многу внимателно кон обвинението, а судот ќе мора да отвори четири очи во текот на постапката и особено кога ќе треба да одлучува“, вели Камбовски.

Анализирајќи ја досегашната постапка, Камбовски вели дека овде не станува збор за случај во кој некој пуштил во употреба некој лек кој претходно не бил одобрен, туку станува збор, за примена на метода која е веќе употребувана.

„Некои од пацентите се спасиле, некои, за жал не успеале“, вели Камбовски.

Досегашното постапување по поднесувањето на обвинението против Жан Митрев остава впечаток дека обвинителството и судот се на една страна, а на другата страна е одбраната. За проучување на доказите доставени од обвинителот на повеќе од 10.000 страници на одбраната ѝ се оставени само 10 работни дена (дозволен увид 4 часа во денот), пишува во реакцијата на одбраната на доктор Жан Митрев што вчера беше испратена до медиумите.

Целата вест прочитајте ја ТУКА.