Кавадарци: Излезноста до 15 часот е3 9,22 отсто за претседателските и 38,40 отсто за парламентарните избори
Во Кавадарци до 15 часот е евидентирана 39,22 отсто излезност за претседателски и 38,40 проценти за парламентарни избори, а во Росоман 34.30 отсто е излезноста на парламентарните и 34,39 проценти на претседателските избори. За одѕивот на гласање информираа општинските изборни комисии.
-Во Кавадарци се гласа на 60 гласачки места, се гласа за претседател на државата и пратенички мандати, информираше претседателката на Општинската изборна комисија, Емилија Петровска.
Запишани се вкупно 31.982 избирачи за парламентарните избори, 31.926 за претседателските, со право на глас во Кавадарци.
Во Росоман се гласа на десет избирачки места. Претседателот на Општинската изборна комисија, Зоран Костов, соопшти дека вкупно 3300 избирачи се евидентирани во списокот за гласање на денешните избори во општината Росоман.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
