Крис Рок првпат се јави на Инстаграм по шлаканицата на Вил Смит на Оскарите

Крис Рок за првпат се обрати на Инстаграм по спектакуларната шлаканица на овогодинешните Оскари.

Тој објави промотивна фотографија од неговата светска турнеја Chris Rock Ego Death и ги најави следните настапи во Париз.

Неговата објава собра повеќе од 100.000 лајкови. Фановите му пишуваа на Крис дека ги израдува, а многумина се осврнаа и на Оскарите каде Крис доби шлаканица од Вил Смит откако се пошегува на сметка на неговата сопруга Џејда Пинкет Смит.

„Се надевам дека нема да навредите нечија сопруга во новата изведба“, „Се надевам дека шоуто ќе биде исто толку добро како онаа шлаканица на Оскарите“, се некои од коментарите.

„Долго време те нема, човеку, мило ми е што си добро“, „Се врати по шамарот“, „Те сакаме Крис“, напишаа други.

За потсетување, мајката на Крис, Роуз неодамна проговори за скандалот на Оскарите.