Манасиевски: Филипче ги лажеше граѓаните за нов Клинички центар, само за да може да го краде народот

Филипче ги лажеше граѓаните за нов Клинички центар, само за да може да го краде народот, обвини членот на Централниот комитет на ВМРО-ДПМНЕ, Валентин Манасиевски на прес-конфренција во партиското седиште.

-Филипче и СДС му ветуваа на народот нов Клинички, а во реалноста даваа физиолошки раствори наместо лекови. Филипче и СДС му ветуваа на народот нов Клинички, а во реалноста граѓаните добија урнисано и запоставено здравство. Филипче и СДС му ветуваа на народот нов Клинички, а во реалноста Пановски добиваше милионски тендери, а граѓаните поскапи лекови. Филипче и СДС му ветуваа на народот нов Клинички, а во реалноста Филипче си местеше тендери и провизии од лекови и вакцини. ВМРО-ДПМНЕ остави готов проект за кој беа обезбедени 128 милиони евра, кој доколку се беше како што треба, ќе беше готов во 2021 година. Филипче и СДС немаа план да градат нов Клинички, туку имаа план да ги полнат сопствените џебови со народни пари. Откако граѓаните видоа дека СДС и Филипче немаат план за нов Клинички и дека приоритет им се провизии и тендери, излегоа со изјави дека нов Клинички ќе се гради во 2019 година за 500 милиони евра. 6 години подоцна, веќе сме 2025 година, нема ни К од Клинички. За среќа на граѓаните, Владата предводена од ВМРО-ДПМНЕ, ветувањата ги претвора во реалност. Нов Клинички ќе има, рече тој.