Николовски: Дополнителни три денари за откупот на јаболка и ориз

Владата на денешната седница одлучи со дополнителни три денари да го помогне откупот на јаболка и ориз.

Како што соопшти министерот за земјоделство, шумарство и водостопанство Љупчо Николовски, со овие средства ќе се излезе во пресрет за да се надминат проблемите при откупот.

-На денешната седница се донесоа и мерки кои треба да помогнат во пробпемите на откупот на јаболко и ориз, односно дополнителни три денари за откупот на јаболко и ориз во првите месеци од годината. Продолжуваме постојано да носиме нови мерки, рече Николовски.

Тој рече и дека на седницата поминале измените во Програмата за директни плаќања со што се праќа порака за договорно производство на сончоглед.

-Субвенциите сега се врзуваат со условот и доказот производството да е предадено во домашни преработувачки капацитети, рече Николовски.