Пренасочени автобусите со број 23 - еве што се случува на скопските улици

Екипи на општина Гази Баба денеска од 8 до 15 часот ќе изведуваат градежни активности, реконструкција на железничкиот премин на улицата „Перо Наков“, поради што на оваа делница ќе биде воведен времен сообраќаен режим.

Автобусите со број 23 ќе бидат пренасочени и ќе сообраќаат по улицата „Благоја Стефковски“, булеварот „Александар Македонски“ и булеварот „Киро Глигоров“ во двете насоки при што ќе ги користат постојните автобуски стојалишта.