Внатрешна контрола ќе спроведе истрага за полициската интервенција во Битола

Секторот за внатрешна контрола и професионални стандарди при Министерството за внатрешни работи ќе спроведе истрага за полициската интервенција на крајот од мечот меѓу Пелистер и Вардар во Битола кога со тешки телесни повреди се здоби еден навивач на Вардар а уште 7 лица беа полесно повредени. Внатрешна контрола ќе испитува дали полицајците при интервенцијата постапиле согласно пропишаните стандарди и дали имало пречекорување на овластувањата. 
Полицијата информираше дека се повредени и 4 полициски службеници.