Од наредниот месец стартува инвестицискиот бум
Германската ОДВ електрик во Охрид и американската КСС во Кичево на есен почнуваат со работа. И двете компании кои пролетва најавија инвестиции во Македонија до крајот на овој месец ќе завршат со адаптација на објектите и ќе ги монтираат машините. Првата група работници кои заминаа на обука во Украина се враќаат до септември кога ќе стартува производството, вели во изјава за економски.мк првиот човек на Дирекцијата за технолошко-индустриски развојни зони, Виктор Мизо.
Од есенва ќе почне изградбата и на уште неколку инвестиции кои беа најавени годинава. Италјанската Диатек идната недела ќе регистрира фирма во земјава. Оваа компанијата од печатарската индустрија во Скопје ќе ионвестира 10 милиони евра и ќе вработи 200 лица.
Техникл текстајл, германската компанија која ќе инветсира во зоната во Штип и ќе вработи околу 600 лица, во моментов од три понуди треба да ја избере компанијата која ќе го гради објектот.
Градежна компанија бира и италјанската Монтанте која во Скопје ќе произведува амортизери.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
