Пронајден мртов маж во Охрид

Мртов маж бил пронајден вчера блузу Градскиот пазар во Охрид. Се работи за машко лице на возраст од седумдесет до осумдесет години, висок околу 170 сантиметри, средно развиен, со бела ретка кратка коса и кратка брада. На себе имал сиво палто и пантолони, карирана сина кошула, сив џемпер и сива капа.

Сега починатиот, вчера во 19 часот и 35 минути  со возило на брза помош, од градскиот пазар, бил донесен на интерното одделение во Општата болница, каде и покрај преземените обиди за реанимација, починал.

Засега не се знае неговиот идентитет па се молат граѓаните секоја корисна информација да ја достават до СВР Охрид или на телефонот 192.